Թբիլիսիի շենքերի 80%-ը չի համապատասխանում սեյսմակայունության պահանջներին․ Business Media

«Վրաստանի շինարարների ասոցիացիան» կարծում է, որ Թբիլիսիի շենքերի 80%-ը չի համապատասխանում սեյսմակայունության ժամանակակից պահանջներին։ Այդ մասին գրում է Business Media պորտալը։

«Եթե 7 բալից ավելի ուժգնությամբ երկրաշարժ տեղի ունենա, Թբիլիսիի 70%-ից ավելին կջնջվի աշխարհի երեսից, մեզ կարող է աղետ սպասել»,- ասել է ասոցիացիայի ղեկավար Իրակլի Ռոստոմաշվիլին։

Ռոստոմաշվիլիի խոսքով՝ ժամանակակից շենքերը կառուցված են ամուր միաձույլ կառույցներից, որոնք պետք է դիմակայեն 8 բալ ուժգնությամբ երկրաշարժին, սակայն դրանց մասնաբաժինը շուկայում շատ փոքր է։ Նա նշել է, որ բնակելի շենքերի մեծ մասը բարոյապես մաշված է, և դրանց ծառայության ժամկետը վաղուց անցել է։