Ինչ ունեցվածք են հայտարարագրել ԱԻՆ նախարարն ու փոխնախարարները

Շարունակելով ներկայացնել բարձրաստիճան պաշտոնատար անձանց գույքի և եկամտի հայտարարագրերը՝ այսօր կանդրադառնանք ԱԻՆ նախարարին և վերջինիս տեղակալներին:

Եվ այսպես՝ Արմեն Փամբուխչյանը հայտարարագրել է բնակարան, երկու ավտոմեքենա, որոնք, սակայն, 2021-ին վաճառվել են, և նույն տարվա ընթացքում ձեռք է բերվել LEXUS մակնիշի ավտոմեքենա: Նախարարի բանկային հաշիվների մնացորդը կազմել է 7,309,128.00 դրամ: Կանխիկ դրամը՝ 3,100.00 ԱՄՆ դոլար, 2,500.00 եվրո, 1,350,000.00 դրամ: Հաշվետու տարվա եկամուտները կազմել են 18,200,438.00 դրամ:

Փոխնախարար Արտյուշ Գրիգորյանի հայտարարագրած բանկային հաշիվների մնացորդը կազմել է 8,220,000.00 դրամ:  Կանխիկ դրամը՝ 1,950,000.00 դրամ և 7,800.00 ԱՄՆ դոլար: Հաշվետու տարվա եկամուտները կազմել են 9,106,074.00 դրամ:

Արա Նազարյանը հայտարարագրել է բնակարան, SUZUKI մակնիշի ավտոմեքենա, կանխիկ դրամը կազմել է 4,000.00 դրամ և 7,000.00 եվրո: Հաշվետու տարում եկամուտները կազմել են 14,462,152.00 դրամ: