Ինչ ունեցվածք են հայտարարագրել Հակակոռուպցիոն կոմիտեի նախագահն ու տեղակալները

Շարունակում ենք ընթերցողի ուշադրությանը ներկայացնել բարձրաստիճան պաշտոնյաների գույքի և եկամուտի հայտարարագրերը, այսօր կանդրադառնանք Հակակոռուպցիոն կոմիտեի ղեկավարությանը:

Եվ այսպես՝ Սասուն Խաչատրյանը հայտարարագրել է բնակարան, հողամաս, բազմաբնակարան շենքի ոչ բնակելի տարածք, 2012-ին գնված PORSCHE մակնիշի ավտոմեքենա, բանկային հաշիվների մնացորդը կազմել է 1,314,460.00 դրամ: Կանխիկ դրամը 23,900,000.00: Խաչատրյանի եկամուտները հաշվետու տարում կազմել են 21,409,631.00  դրամ:

Մուշեղ Բաբայանը հայտարարագրել է բնակարան, անհատական բնակելի տուն, հողամաս, 20,804,068.00 դրամի ստացված և հանձնած փոխառություն, բանկային հաշիվների մնացորդը կազմել է 1,047,828.10 դրամ, կանխիկը՝ 4,500,000.00 դրամ և 20,000.00 ԱՄՆ դոլար: Հաշվետու տարվա ընթացքում Բաբայանի եկամուտները կազմել են 26,372,458.30 դրամ:

Էդիկ Հակոբյանը հայտարարագրել է հողամաս, 2020 թվականին գնված LEXUS մակնիշի ավտոմեքենա, բանկային հաշիվների մնացորդը կազմել է 200,682.00 և 72,000.00 դրամ, կանխիկ գումարը՝ 2,450,000.00 դրամ: Հաշվետու տարվա ընթացքում պաշտոնյայի եկամուտները կազմել են 20,155,596.00 դրամ, ծախսերը՝ 9,049,494.00 դրամ: