Միչիգանի համալսարանում հրաձգություն է տեղի ունեցել. 3 մարդ է զոհվել

ԱՄՆ-ի Միչիգանի պետական ​​համալսարանում տեղի ունեցած հրաձգության հետևանքով՝ առնվազն երեք մարդ է զոհվել և հինգը՝ վիրավորվել, գրում է BBC-ն։

Ամերիկյան ոստիկանությունը հաստատել է, որ հարձակումից որոշ ժամանակ անց հրաձիգն ինքնասպան է եղել։ Դա տեղի է ունեցել այն ժամանակ, երբ ոստիկանները նրան գտել են երկար փնտրելուց հետո։

Հինգ զոհերից ոմանք ստացել են ծանր, կյանքին վտանգ սպառնացող վնասվածքներ:

Հաղորդվում է, որ երկուշաբթի երեկոյան մի տղամարդ, ով ունեցել է երկու հրազեն, կրակ է բացել համալսարանի գլխավոր մասնաշենքում՝ Իսթ Լանսինգում:

 Դրդապատճառները դեռևս անհայտ են։