ԱՄՆ-ն իր ռազմավարական պաշարից կվաճառի ևս 26 մլն բարել նավթ

ԱՄՆ-ն նախատեսում է ռազմավարական պաշարից 26 մլն բարել նավթ վաճառել այս տարվա ապրիլ-հունիս ամիսներին, հայտնում է Bloomberg-ը՝ հղում անելով աղբյուրներին։ Դրանց համաձայն՝ ԱՄՆ-ի նավթի պաշարների ծավալը 371,5 միլիոնից կնվազի 345 միլիոն բարելի։ Նավթի պահեստավորման ընդհանուր հզորությունը կազմում է 714 մլն բարել։

2022 թվականի մարտին ԱՄՆ նախագահ Ջո Բայդենը հայտարարեց պաշարներից 180 միլիոն բարել նավթի ամենամեծ վաճառքի մասին՝ փորձելու նվազեցնել վառելիքի գները։ Արդյունքում՝ նավթի ռազմավարական պաշարները գտնվում էին 1984 թվականի մարտից ի վեր ամենացածր մակարդակի վրա։ Հոկտեմբերին ԱՄՆ-ն վաճառքի է հանել ռազմավարական պաշարից ևս 15 մլն բարել նավթ։