Ինչ ունեցվածք են հայտարարագրել արդարադատության նախարարն ու փոխնախարարները

Շարունակելով ընթերցողների ուշադրությանը ներկայացնել բարձրաստիճան պաշտոնատար անձանց գույքի և եկամտի հայտարարագրերը՝ այսօր կանդրադառնանք արդարադատության նախարար Գրիգոր Մինասյանին և վերջինիս տեղակալներին:

Պաշտոնը ստանձնելու օրվա դրությամբ Գրիգոր Մինասյանը որպես անշարժ գույք հայտարարագրել է․

1. Բազմաբնակարան շենքի ոչ բնակելի տարածք – միանձնյա սեփականություն, գնված 2013 թ-ին, Երևան, Շենգավիթ,
2. Բազմաբնակարան շենքի ոչ բնակելի տարածք – բաժնային սեփականություն (50%), 2014 թ, որը ոչ թե գնում է եղել, այլ ձեռք է բերվել համայնքի ղեկավարի որոշմամբ, Երևան, Շենգավիթ,
3. Բնակարան – բաժնային սեփականություն (50%), գնված 2016 թ-ին, Երևան, Շենգավիթ,
4. Բնակարան – համատեղ սեփականություն, գնված 2019 թ-ին, Երևան, Շենգավիթ,
5. Հասարակական նշանակության շինություն – բաժնային սեփականություն (50%), գնված 2017 թ-ին, Երևան, Կենտրոն,
6. Ավտոտնակ – բաժնային սեփականություն (50%), գնված 2017 թ-ին, Երևան, Կենտրոն,
7. Ավտոտնակ – բաժնային սեփականություն (50%), գնված 2018 թ-ին, Երևան, Կենտրոն,
8. Բնակարան – միանձնյա սեփականություն, գնված 2011 թ-ին, Երևան, Կենտրոն,
9. Ավտոտնակ – միանձնյա սեփականություն, գնված 2008 թ-ին, Երևան, Կենտրոն,
10. Բնակարան – միանձնյա սեփականություն, գնված 2020 թ-ին, Հունաստան, Կենտրոնական Մակեդոնիա, Սալոնիկ,
11. Անհատական բնակելի տուն – միանձնյա սեփականություն, գնված 2011թ, Կոտայքի մարզ, Ծաղկաձոր,
12. Ավտոկայանատեղի – միանձնյա սեփականություն, գնված 2011թ, Երևան, Կենտրոն,
13. Բնակարան – համատեղ սեփականություն, ձեռք բերված Մյասնիկյանի շրջգործկոմի որոշմամբ, Երևան, Կենտրոն,
14. Բնակարան – համատեղ սեփականություն, նվիրատվություն, 2012 թ, Բուլղարիա, Բուրգաս, Սոզոպոլ։

Գրիգոր Մինասյանը շարժական գույք չի հայտարարագրել, սակայն երկու մեքենա է հայտարարագրել, որոնք փաստացի տնօրինվում են իր կողմից։ Դրանք են․

• 2013 թվականին թողարկված Toyota,
• 2016 թվականին թողարկված Cadillac:

Որպես արժեթուղթ/ներդրում հայտարարագրել է 2012 թվականին ձեռքբերված բաժնեմասը։

Նա նաև հանձնած փոխառություն/ավանդ ունի AM իրավաբանական ընկերությունում՝ 5 միլիոն դրամի չափով։

Գրիգոր Մինասյանը 4 միլիոն դրամից ավելի արժեք ունեցող 5 գույք է հայտարարագրել, որոնք բոլորը նվիրատվություն է ստացել 2009 թվականին․

• Ձեռքի ժամացույց – արժեքը՝ 22,000 դոլար,
• Ձեռքի ժամացույց – արժեքը՝ 16,000 դոլար,
• Արվեստի գործ – արժեքը՝ 12,000 դոլար,
• Արվեստի գործ – արժեքը՝ 15,000  դոլար,
• Արվեստի գործ – արժեքը՝ 15,000,000 դրամ։

Նրա բանկային դրամական միջոցները կազմել են․

• 179,283 եվրո,
• 3,445,000 դրամ,
• 1,030 դոլար,

դրամական կանխիկ միջոցները կազմել են․

• 20,000 դոլար, 
• 2,000 եվրո։

Գրիգոր Մինասյանը հայտարարագրել է նաև իր, իր ընտանիքի անչափահաս անդամի/ների և խնամակալության կամ հոգաբարձության տակ գտնվող անձանց եկամուտները․

• վարձակալության դիմաց ստացված վճարը կամ այլ հատուցում – ԹԻ ԸՆԴ ՋԻ ԳՐՈՒՊ ՍՊԸ – 480,000 դրամ,
• վարձակալության դիմաց ստացված վճարը կամ այլ հատուցում – Մուրաթիդիս Չարալամբոս – 1,400 եվրո։

Գրիգոր Մինասյանը ներկայացրել է նաև շահերի հայտարարգիրը․

• AM իրավաբանական ընկերության տնօրենն է 2012 թվականի մայիսի 11-ից, ՍՊԸ-ում բաժնետոմսի մասնակցությունը՝ 60 տոկոս։ 
• Մարիա Ստեփանյան Ալեքսանդրի (կինը) – «Փրոֆ Թաքս» ՍՊԸ տնօրեն, 2015 թվականի փետրվարի 9-ից, մասնակցությունը՝ 100 տոկոս։

Գրիգոր Մինասյանը նաև ոչ առևտրային կազմակերպություն համարվող 

• Հանրային իրավունքի եվրոպական կազմակերպության տնօրենների խորհրդի անդամ է,
• Հանրային իրավունքի եվրոպական կազմակերպության հայաստանյան ներկայացուցչության տնօրենը։

Լևոն Բալյանը հայտարարագրել է հողամաս, անհատական բնակելի տուն, բնակարան և ավտոտնակ:  Հանձնված և ստացված փոխառությունները կազմել են 17,427,000.00 դրամ, բանկային ավանդները՝ 830,000.00 դրամ, կանխիկը՝ 4,000,000.00 դրամ։ Հաշվետու տարվա եկամուտները կազմել են 15,174,452.00 դրամ:

Արմենուհի Հարությունյանը հայտարարագրել է բնակարան, բանկային հաշիվների մնացորդը կազմել է 1,444,865.00 դրամ, կանխիկ գումարը՝ 4,800,000.00 դրամ: 

Արա Մկրտչյանը հայտարարագրել է  հողամաս և բնակարան, բանկային հաշիվների մնացորդը կազմել է 815,150.32 դրամ, կանխիկ դրամը՝ 25,000.00 ԱՄՆ դոլար: Հաշվետու տարվա եկամուտները կազմել են 7,191,066.00 դրամ և 24,000.00 ԱՄՆ դոլար: