Սյունիքի մարզպետ Ռոբերտ Ղուկասյանի ուշագրավ գնումները՝ մեկ անձից

Պետական գնումների ոլորտը միշտ էլ համարվել է ամենառիսկայիններից մեկը։ Հատկապես վերջին տարիներին ավելացել են մեկ անձից կատարվող պետական գնումները։ Գնման պայմանագրերի արժեքի գրեթե 45 տոկոսը բաժին է ընկել մեկ անձից կատարված գնումներին։ Դրանք երբեմն հրատապ գնումներն են կամ պայմանավորված են մրցակցության բացակայությամբ։ Իսկ մրցակցության բացակայությունն էլ իր հերթին՝  կազմակերպությունների մենաշնորհային դիրք զբաղեցնելու հետևանք է։

ՔՊ-ական պաշտոնյաները շարունակում են մեկ անձից գնումներ կատարելու ռեկորդներ սահմանել: Այս առումով հետ չի մնում նաև Սյունիքի մարզպետ Ռոբերտ Ղուկասյանը: Դիցուք՝ Սյունիքի մարզպետարանը 2,430,000 դրամի դպրոցականների ամառային հանգստի կազմակերպում և տրանսպորտային ծախսերի փոխհատուցման ծառայություններ է ձեռք բերել «ԿԱՐԵՆ-ԳԱՐԻԿ» ՍՊԸ-ից: 350,000 դրամի ավտոմեքենայի վերանորոգման ծառայություն է ձեռք բերվել Ա/Ձ ՎԱԼԵՐԻԿ ՈՍԿԱՆՅԱՆ-ից: 1,494,000 դրամի դրոշներ են ձեռք բերվել Ա/Ձ Թամարա Պողոսյանից: 135,000 դրամի հուշանվերներ են ձեռք բերվել «Վեգա Ուորլդ» ՍՊԸ-ից ; 991,000 դրամի պաշտոնական պատվիրակության ընդունելության շրջանակում ճաշկերույթի կազմակերպման ծառայություններ են գնվել «ՍԻԼԿ ՌՈՈՒԴ-ՍՊԸ»-ից: 438,000 դրամի ծառայություն է գնվել «ՍՅՈՒՆԷԴ» ՍՊԸ-ից: 468,435 դրամի տնտեսական ապրանք է գնվել  Ա/Զ Ծովինար Գևորգյան Լենդրուշից: