Իսրայելի արտգործնախարարը մեկնել է Կիև
Համաշխարհային Մամուլ
Իսրայելի արտգործնախարար Էլի Քոհենը հինգշաբթի առավոտյան ժամանել է Կիև, որտեղ ծրագրում է հանդիպել Ուկրաինայի նախագահ Վոլոդիմիր Զելենսկու և իր գործընկեր Դմիտրի Կուլեբայի հետ։ Այս մասին Twitter-ի իր էջում հայտնել է Իսրայելի ԱԳՆ ղեկավարը։
«Հիմա ես ժամանել եմ Կիև՝ պատերազմի սկզբից ի վեր առաջին անգամ: Ես կհանդիպեմ նախագահ Զելենսկու և արտգործնախարար Կուլեբայի հետ, կվերաբացեմ Կիևում Իսրայելի դեսպանատունը, որը կվերսկսվի իր մշտական աշխատանքը՝ ողջ ծավալով»,- գրել է Քոհենը։
«Ես եկել եմ հայտարարելու, որ Իսրայելն աջակցում է Ուկրաինային և ուկրաինացի ժողովրդին նրանց համար այս դժվարին պահին»,- հավելել է նա։
Նախարարն իր ուղերձին կցել է Կիևի երկաթուղային կայարանից լուսանկարը։ The Jerusalem Post-ի փոխանցմամբ՝ Քոհենը գիշերը թռել է Լեհաստան, որտեղից գնացքով մեկնել է Կիև։ Հունվարին իսրայելցի նախարարը հայտարարեց, որ պատրաստվում է այցելել Ուկրաինա՝ դառնալով առաջին իսրայելցի նախարարը, ով այցելել է երկիր ռազմական գործողությունների սկսվելուց հետո:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
