Էստոնիան ԵՄ երկրներին առաջարկել է 4 միլիարդ դոլար ծախսել՝ Ուկրաինային զինամթերք տրամադրելու համար․ Bloomberg

Էստոնիան Եվրամիության երկրներին առաջարկում է հնարավորինս արագ ներդնել մոտ 4,3 միլիարդ դոլար՝ Ուկրաինային համատեղ 1 միլիոն զինամթերք տրամադրելու համար, գրում է Bloomberg-ը՝ հղում անելով Էստոնիայի՝ ԵՄ երկրներին ուղարկած փաստաթղթին։

Կոչից բխում է, որ համայնքի երկրներին շտապ անհրաժեշտ է մեծացնել ռազմարդյունաբերական ներուժը՝ Կիևին օգնելու համար։

«Մենք պետք է ահռելի ջանքեր գործադրենք՝ հասնելու արագ որոշումների կայացմանն ու այս նախաձեռնության իրականացմանը որքան հնարավոր է շուտ՝ 2023 թվականին, հենց դա է պահանջում Ուկրաինայում իրավիճակի լրջությունը»,- ասվում է փաստաթղթում։

Փաստաթղթում նշվում է նաև, որ ուշացման գինը բարձր է և ժամանակի ընթացքում դառնում է էլ ավելի բարձր։

Ըստ կանխատեսումների՝ այս պլանը թույլ կտա 7 անգամ մեծացնել եվրոպական արդյունաբերության ներուժը և վեց ամսում արտադրել 1 միլիոն 155 միլիմետրանոց արկ։