«Ադրբեջանը զենք է մատակարարում Ուկրաինային. մենք ստիպված աչք ենք փակում». Զատուլին

Ռուսաստանը պետք է պատասխանի ԱՊՀ գործընկերների կողմից Ուկրաինայի աջակցությանը: Այս մասին «Говорит Москва» ռադիոկայանի եթերում հայտարարել է Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը։

«Այսօր ևս մեկ ուղերձ. Զելենսկին զրուցել է Ալիևի հետ, շնորհակալություն հայտնել օգնության համար։ Ինչո՞ւ։ Որովհետև Ադրբեջանը զենք է մատակարարում Ուկրաինային, ականներ է մատակարարում, որոնք արտադրվել են ոչ թե ինչ-որ ժամանակ, այլ 2022թ.: Մենք աչք ենք փակում սրա վրա։ Ստիպված ենք փակվել, սրացումներ չենք ուզում: Մենք ձգտում ենք պահել պարագիծը, բայց պետք է պարբերաբար կոշտ պատասխանենք: Ես հիմա խոսում եմ ոչ միայն Ադրբեջանի, այլեւ Ղազախստանի, մնացած բոլորի հետ կապված, այլապես մեզ այլեւս չեն հարգի»,- ասել է Զատուլինը։