Ինչ ունեցվածք են հայտարարագրել Տավուշի մարզպետն ու փոխմարզպետը

Շարունակելով ներկայացնել բարձրաստիճան պաշտոնյաների ներկայացրած գույքի և եկամտի հայտարարագրերը, այսօր կանդրադառնանք Տավուշի մարզպետ Հայկ Ղալումյանին և վերջինիս տեղակալներին:

Եվ այսպես, Հայկ Ղալումյանը հայտարարագրել է հողամաս, արտադրական նշանակության շինություն, բնակարան, UAZ և MITSUBISHI մակնիշի ավտոմեքենա, 408,000,0  և 905.000.0 հազար դրամի արժեթուղթ,  բանկային հաշիվների մնացորդը կազմել է 4.107.042.00 դրամ, կանխիկ դրամը 5 հազար ԱՄՆ դոլար,  հաշվետու տարվա եկամուտները կազմել են 13.628.689.00 դրամ:

Տավուշի մարզպետի տեղակալ Նարեկ Ղուշյանը հայտարարագրել է ԱՁ «Նարեկ Ղուշչյան» ընկերության 100 տոկոս բաժնեմաս:  Պարզվում է՝ նա 2016 թվականին Իջևանում որպես նվիրատվություն բնակարան է ստացել: Իսկ նրա եկամուտները կազմել են 33,000.00 ռուսական ռուբլի և 9,972,349.00 դրամ փոխմարզպետի կնոջ՝ Աննա Ալիխանյանի հայտարարագրից տեղեկանում ենք, որ վերջինս Երևանի կենտրոն համայնքում բնակարան է ձեռք բերել, սակայն հայտնի չէ, թե երբ է կատարվել գնումը: Բացի այդ, նա 2018-ին որպես նվիրատվություն է ստացել ավտոմեքենա, 5,843,500.00 դրամի բանկային արժեթուղթ է ձեռք բերել, բացի այդ 22,738.00 դրամի վարկ է վերցրել:

Արթուր Հովակիմյանը հայտարարագրել է հողամաս և բնակարան,  UAZ մակնիշի ավտոմեքենա,  բանկային ավանդները կազմել են 1.500.000.0 և 1.600.000.0 դրամ, բանկային հաշիվների մնացորդները կազմել են 159.621.00 և 170.050.00 դրամ:  Կանխիկ դրամը կազմել է 3  միլիոն դրամ: Հաշվետու տարվա եկամուտները կազմել են 13.649.613.00 դրամ: