Ֆինլանդիայում հայտարարել են առանց Շվեդիայի ՆԱՏՕ-ին անդամակցելու պատրաստակամության մասին

Ֆինլանդիայի պաշտպանության նախարար Միկո Սավոլան Associated Press-ին (AP) ասել է, որ երկիրը պատրաստ է անդամակցել ՆԱՏՕ-ին՝ չսպասելով Շվեդիային։

Լրագրողները Սավոլային հարցրել են՝ արդյոք Ֆինլանդիան կհրաժարվի ՆԱՏՕ-ին անդամակցելուց, եթե Թուրքիան արգելափակի Շվեդիայի մուտքը Հյուսիսատլանտյան դաշինք։

«Ոչ <…> մտնելու ենք»,- ասել է նախարարը։

Ընդ որում,  նա խոստովանել է, որ Ֆինլանդիան, այնուամենայնիվ, գերադասում է Շվեդիայի հետ միասին անդամակցել ՆԱՏՕ-ին, քանի որ այն իր ամենամոտ գործընկերն է։

«Սա շատ խորը համագործակցություն է, և մենք լիովին վստահում ենք միմյանց»,- եզրափակել է նա։

Սակայն Ֆինլանդիայի վարչապետ Սաննա Մարինը նախօրեին հայտարարել էր, որ երկիրը մտադիր է միանալ Հյուսիսատլանտյան դաշինքին միաժամանակ Շվեդիայի հետ։