Ռուսաստանը Բայդենի այցը Կիև սադրանք է անվանել
Համաշխարհային Մամուլ
Պետդումայի պատգամավոր Միխայիլ Շերեմեթը ԱՄՆ նախագահ Ջո Բայդենի այցը Կիև սադրանք է անվանել, գրում է Ռիա Նովոստին։
Բայդենը չհայտարարված այցով Կիև է ժամանել երկուշաբթի օրը և հանդիպել Վոլոդիմիր Զելենսկու հետ։ ԱՄՆ նախագահն ասել է, որ Ուկրաինան կստանա 500 միլիոն դոլարի ռազմական օգնության նոր փաթեթ, որը կհայտարարվի երեքշաբթի օրը։ Այն կներառի նաև HIMARS բազմակի արձակման հրթիռային համակարգեր: Զելենսկին իր հերթին Բայդենի հետ բանակցություններն անվանել է շատ կարևոր և օգտակար։
«Սա սադրանք է, այլ կերպ դա անվանել չի կարելի: Այցը երկրի տարածք, որը հակամարտող կողմ է, հանդուգն և բացահայտ քայլ է, որը անխնա հետևանքներ կունենա Կիևի ռեժիմի համար», - ՌԻԱ-ին ասել է Շերեմեթը:
Նրա խոսքով, Բայդենը Զելենսկու հետ միասին, միջազգային հանցագործներ են, որոնք ամբողջությամբ պատասխան կտան օրենքի առաջ։
«Սրանք երկու արյունոտ բռնապետեր են: Բայդենի գալով՝ հետհաշվարկը սկսվեց Զելենսկու համար, և ամերիկացի ժողովուրդը պետք է գիտակցի, որ իրենց դժբախտ կառավարիչներին միայն պատերազմ, ավերածություն և ողբերգություն է պետք: Բայդենի և նրա թիմի նման մարդիկ խայտառակություն են ամերիկացի ժողովրդի համար այնպես, ինչպես ֆաշիստները՝ գերմանացիների համար»,- ասել է պատգամավորը։
ՈՒՂԻՂ ԵԹԵՐ
Ամենադիտված 
Պարզվել է Աջափնյակում զինված միջադեպի հետևանքով մահացածի և 7 վիրավորների ինքնությունը 
