Հայտնի է՝ ինչու է Բայդենը այցելել Կիև

ԱՄՆ նախագահ Ջո Բայդենը խորհրդականներին հայտնել էր, որ ցանկանում է փետրվարին այցելել Ուկրաինա՝ վստահեցնելու դաշնակիցներին, որ Վաշինգտոնը կշարունակի օգնել Կիևին, գրում է New York Times-ը։

Ինչպես հայտնի է, Բայդենը չհայտարարված այցով երկուշաբթի օրը ժամանել է Կիև և հանդիպել Վոլոդիմիր Զելենսկու հետ։

Միացյալ Նահանգների նախագահը խորհրդականներին ասել է, որ իր այցով Կիև «ցանկանում էր ցույց տալ դաշնակիցներին, որ իր վարչակազմը հավատարիմ է մնում» Ուկրաինային օգնելու խոստմանը, գրում է New York Times-ը։

Նշվում է նաև, որ այցը գաղտնի է կազմակերպվել անվտանգության նկատառումներով։