Մեդվեդևը հայտնել է` որքան կկազմի Ուկրաինային ԱՄՆ ռազմական օգնության ընդհանուր ծավալը

Ուկրաինային ամերիկյան ռազմական օգնության ընդհանուր ծավալը մոտ 50 միլիարդ դոլարի կարող է հասնել, և դա առանց եվրոպական աջակցության, կարծում է ՌԴ Անվտանգության խորհրդի փոխնախագահ Դմիտրի Մեդվեդևը։ Այս մասին հաղորդվում է National Defense հրատարակությանը տված նրա հարցազրույցում։

«Մեր հակառակորդներին ամերիկյան ռազմական օգնության «նպատակային փաթեթի» ընդհանուր ծավալը շուտով կհասնի մոտ 50 միլիարդ դոլարի, և դա առանց եվրոպական «փոխանցումները» հաշվի առնելու», - ասել է Մեդվեդևը։

Ըստ ռուս քաղաքական գործչի՝ Արևմուտքից Կիև մահաբեր զենքի մատակարարումների ծավալը, դեռևս նախքան հատուկ գործողության իրականացումը, հասել է աստղաբաշխական չափերի։ Ինչպես նշվում է, 2014 թվականից մինչև 2023 թվականի հունվարի 25-ը Ուկրաինային բոլոր տեսակի ռազմական օգնություն տրամադրելու ԱՄՆ պարտավորություններն արդեն կազմել են գրեթե 30 միլիարդ դոլար։

«Հատուկ գործողության ընթացքում Ուկրաինան ավելի քան բավականաչափ զենք ստացավ Ամերիկայից՝ ռազմական գործողությունները հնարավորինս երկարաձգելու համար»,- հավելել է քաղաքական գործիչը։