Թուրքիայում գործարանի փլուզման հետևանքով կա մեկ զոհ և չորս վիրավոր

Թուրքիայի Քահրամանմարաշ քաղաքում երկրաշարժից հետո ավերված գործարանում փլուզում է տեղի ունեցել, որի հետեւանքով մեկ մարդ է մահացել։ Այս մասին հայտնում է CNN Turk-ը։

«Երկրաշարժից տուժած մետալուրգիական գործարանում տեղի է ունեցել փլուզում»,- ասվում է հաղորդագրության մեջ։

Նշվում է, որ փլուզումը տեղի է ունեցել այն ժամանակ, երբ թուրքական գործարանի աշխատակիցները փորձում էին դուրս հանել մի շարք ապրանքներ։ Մեկ մարդ մահացել է, չորսը՝ վիրավորվել։