Ինչ ունեցվածք են հայտարարագրել Արագածոտնի մարզպետն ու փոխմարզպետները
Վերլուծական
Շարունակելով ներկայացնել բարձրաստիճան պաշտոնյաների գույքի և եկամտի հայտարարագրերը՝ այսօր կանդրադառնանք Արագածոտնի մարզպետին և վերջինիս տեղակալներին:
Մարզպետ Սերգեյ Մովսիսյանը հայտարարագրել է հողամաս, որը ստացել է որպես ժառանգություն, 2019 թվականին ձեռք բերված MERCEDES-BENZ մակնիշի ավտոմեքենա: Պաշտոնյայի ներկայացրած կանխիկ դրամը կազմել է 3,500,000.00 դրամ: Հաշվետու տարվա եկամուտները՝ 7,292,590.00 դրամ:
Փոխմարզպետ էդգար Փարվանյանը հայտարարագրել է հողամաս, FORD և GAZ մակնիշի ավտոմեքենաներ, պաշտոնյայի հայտարարագրած կանխիկ դրամը կազմել է 150,000.00 դրամ:
Ուշագրավ է նաև մարզպետի տեղակալ Հարություն Գուլյանի ներկայացրած ֆինանսական հայտարարագիրը: Այսպես, վերջինս «Մեյջոր Փարթներս» ՓԲԸ-ին 2,000,000.00 ՀՀ դրամի հանձնած և վերադարձված փոխառություն է հայտարարագրել, «Եվրոպոլիգրաֆ» ՓԲԸ-ից 850,000.00 ՀՀ դրամի փոխառություն: Գագիկ Վասիլի Հովսեփյանից որպես նվիրատվություն պաշտոնյան ստացել է 400,000.00 դրամ, Ռաչ Միքայելյանից՝ 440,000.00 դրամ, Միքայել Ադիլխանյանից՝ 220,000.00 դրամ և 4000 ԱՄՆ դոլար: Ի դեպ, Ադիլխարյանը հենց «Եվրոպոլիգրաֆ» ՓԲԸ-ի տնօրենն է:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
