Ուկրաինացի փախստականները մնացել են առանց իսպանական իշխանությունների խոստացած միջոցների․ El Pais

Հազարավոր ուկրաինացի փախստականներ դեռ չեն ստացել Իսպանիայի կառավարության խոստացած վճարումները։ Այս մասին հայտնում է El Pais-ի տեղական հրատարակությունը։

Իսպանիայի ինտեգրման, սոցիալական ապահովության և միգրացիայի նախարար Խոսե Լուիս Էսկրիվան ցածր եկամուտ ունեցող ուկրաինացի փախստականներին խոստացել էր ամեն ընտանիքի համար 400 եվրո ամսական օգնություն՝ յուրաքանչյուր անչափահաս երեխայի համար 100 եվրո հավելավճարով, սակայն բյուրոկրատական ​​ուշացումների պատճառով գումարը չի հասնել փախստականներին։ Իսպանիա ժամանած 170 հազար փախստականներից միայն 40 հազարը կարող են հույսը դնել օգնության վրա։

Օգնության չվճարումը կապված է տարածաշրջանային «ինքնավար համայնքների» մի մասի անգործության հետ, որոնց հանձնարարվել էր կյանքի կոչել Իսպանիայի կառավարության խոստումները։ Այս համայնքներից առնվազն ութը գումար չեն փոխանցել փախստականներին, ներառյալ այնպիսի խոշոր շրջաններում, ինչպիսիք են Վալենսիան, Կատալոնիան և Մադրիդը, որտեղ ապրում է փախստականների մեծ մասը: