Լրագրողն Էրդողանին կոչել է «Ալլահի ապուշ»

Թուրքական «Hurriyet»-ի լրագրող Յըլմազ Օզդիլը սուր քննադատական հոդվածում Թուրքիայի վարչապետ Ռեջեփ Թայիփ Էրդողանին «Ալլահի ապուշ» է անվանել։ Անդրադառնալով Էրդողանի հայտարարությանը, թե  Ֆրանսիան Թուրքիային քննադատելուց առաջ թող մտածի Ալժիրում ու Ռուանդայում կատարած սեփական հանցագործությունների մասին, լրագրողը, ով հայտնի է իշխող «Արդարություն և զարգացում» կուսակցությանն ուղղված անողոք քննադատական հոդվածներով, գրել է.

«Այսօր Ալժիրն ու Ֆրանսիան բարեկամ երկրներ են: Ալժիրի ֆուտբոլի ազգային հավաքականի ֆուտբոլիստներից 17-ը Ֆրանսիայի քաղաքացիներ են: Երկու պետություններն էլ գոհ են իրենց հարաբերություններից: Ի՞նչ գործ ունես Ալժիրի հետ, Ալլահի ապո՛ւշ:

Ավելի լավ է՝ պատասխան տուր, թե ինչո՞ւ է այսօր հայկական Այնթապը կոչվում Ղազիայնթապ, Մարաշը` Ղահրամանմարաշ, Ուրֆան` Շանլիուրֆա: Ո՞վ է զենքի ուժով գրավել այդ քաղաքները, հայե՞րը, որոնք այսում են՝ «մեզ ցեղասպանության են ենթարկել», թե՞ այդ քաղաքներում կոտորած իրականացրած` թուրքական  համազգեստով զինվորները: Եվ դո՞ւ ես ամոթ փնտրում պատմության մեջ` մոռացության տալով սեփական երկրիդ պատմությունը: Դա է իսկական ամոթը: Մի՞թե դու չէիր, որ քեզ մոտ հրավիրեցիր Նոբելյան մրցանակակիր Օրհան Փամուկին, իսկ երբ նա բարձրաձայնեց հայերի կոտորածների մասին, արտաքսեցիր նրան երկրից: Քո կողմից նշանակված քաղաքապետները չե՞ն, որ երթեւեկում են ֆրանսիական ավտոմեքենաներով: Ի՞նչ բոյկոտի մասին ես խոսում»։