Իսրայելը պատրաստվում է հարվածել Իրանին. Bloomberg

Համաշխարհային առաջատար վերլուծաբանները ևս մեկ անգամ վերանայում են հրեական պետության ռազմական ծրագրերը Թեհրանի դեմ Իսրայելի վարչապետ Բենիամին Նեթանյահուի՝ Ատոմային էներգիայի միջազգային գործակալության ղեկավար Ռաֆայել Գրոսիի հայտարարությանը կոշտ արձագանքից հետո, գրում է Bloomberg-ը։

Նեթանյահուն ակտիվորեն դիտարկում է Իրանի միջուկային օբյեկտների վրա հարձակվելու ծրագիր՝ չնայած իր երկրում տիրող քաղաքական ճգնաժամին։ ԱՄՆ ռազմական ղեկավարությունը, ի դեմս ԱՄՆ պաշտպանության նախարար Լլոյդ Օսթինի և ԱՄՆ շտաբի պետերի միացյալ կոմիտեի նախագահ, գեներալ Մարկ Միլիի, մասնակցել է Թել Ավիվում անցած շաբաթ տեղի ունեցած խորհրդակցություններին։ 

Ինչպես ավելի վաղ տեղեկացրել էինք, Իրան կատարած երկօրյա այցի ընթացքում Ռաֆայել Գրոսսին հայտարարություն էր արել , որն առաջացրել է Իսրայելի վարչապետի զայրույթը։ Գրոսսին ասել էր, որ Իրանի միջուկային օբյեկտների վրա ցանկացած ռազմական հարված անթույլատրելի է և «ապօրինի»։

«Ռաֆայել Գրոսսին արժանի մարդ է, ով անարժան նկատողություն է արել։ Արդյո՞ք Իրանին, որը բացահայտորեն կոչ է անում մեր կործանմանը, թույլատրելի՞ է սպանդի զենք ստեղծել մեր ոչնչացման համար։ Արդյո՞ք մեզ թույլ են տալիս պաշտպանվել: Ակնհայտորեն թույլատրված է»,- ասել է Նեթանյահուն:

Իսրայելի վարչապետը հավելել է, որ չի բացառում, որ Ռաֆայել Գրոսսին այս հայտարարությունն արել է Իրանի պաշտոնյաների ճնշման ներքո։