Արմավիրի ՔՊ-ական համայնքապետ Դավիթ Խուդաթյանի ուշագրավ գնումները

Արմավիրի համայնքապետ Դավիթ Խուդաթյանը իրավամբ համարվում է ամենաերկարակյաց համայնքապետերից մեկը: Եվ թերևս իշխանության ղեկին երկար գտնվելու հետևանք է, որ համայնքապետարանի գնումների պլանում տեղ են գտնել այնպիսի ծառայություններ և ապրանքներ, որոնք մարդիկ հաճախ գնում են սեփական տան համար: Կարելի է ասել՝ Դավիթ Խուդաթյանի համար համայնքապետարանը հարազատ տան պես մի վայր է դարձել: Դատեք ինքներդ։

Եվ այսպես, ըստ Արմավիրի համայնքապետարանի 2023 թվականի գնումների լրացված պլանի՝ համայնքապետարանը ենթադրում է 948 հազար դրամի ավտոլվացման ծառայություն ձեռք բերել, 400 հազարի՝ թերթերի բաժանորդագրման ծառայություն, 3 միլիոն 280 հազար դրամի գրասենյակային պիտույքներ, 1 միլիոն  730 հազարի տնտեսական և կենցաղային ապրանքներ, 65 հազար դրամի շարժական աթոռ:

Գնումների մյուս բաժինը էլ ավելի ուշագրավ է՝ սափրվելու փրփուրից մինչև ձեռքի ժամացույց․

600 հազար դրամ էլ, ինչպես տեսնում ենք, տրամադրվել է համերգի կազմակերպման նպատակով:

Դժվար է, իհարկե, հասկանալ, թե համայնքապետարանի ինչին է պետք սափրվելու փրփուրը, եղունգկտրիչը, կոշիկի վաքսը. նկարն ու ձեռքի ժամացույցը՝ այստեղ նաև հարց է առաջանում, թե ում ձեռքի: Սակայն, արի ու տես, որ համայնքապետարանը կարևոր է համարել այս գնումները կատարել, ավելին՝ դրանք կատարվելու են բյուջեի, ասել է թե՝ հարկատուների գրպանի հաշվին: