Միջադեպերից խուսափելու համար խաղաղապահները շարունակում են կապը ՀՀ և Ադրբեջանի ԶՈՒ ԳՇ-ների հետ․ ՌԴ ՊՆ
Հասարակություն
Ռուսական խաղաղապահ զորախումբը շարունակում է Լեռնային Ղարաբաղի տարածքում առաջադրանքների կատարումը։ Երեսուն դիտակետերում ռուս խաղաղապահներն իրականացնում են իրադրության շուրջօրյա մոնիթորինգ և հրադադարի ռեժիմի պահպանման վերահսկողություն: Այս մասին հայտնում է ՌԴ ՊՆ-ն։
«Վերջին 24 ժամվա ընթացքում հրադադարի ռեժիմի խախտումներ չեն արձանագրվել:
Մարտակերտի, Մարտունու և Շուշիի շրջաններում պարեկություն է իրականացվել երեք երթուղիներով»,-ասված է հաղորդագրության մեջ։
Նշվում է, որ ՌԴ խաղաղապահները մարդասիրական բեռներով շարասյուն են այսօր ուղեկցել Գորիս-Ստեփանակերտ երթուղով։
Ասկերանի շրջանում անցկացվել է մարդասիրական ակցիա՝ ցածր եկամուտ ունեցող և բազմազավակ ընտանիքներին պարենային փաթեթներ բաժանելու նպատակով։
Ռուս խաղաղապահների անվտանգությունն ապահովելու և հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
