Թուրքական լիրան կրկին իջել է ռեկորդային ցածր մակարդակի․ Reuters

Թուրքական լիրան թուլացել է՝ հասնելով մեկ դոլարի դիմաց 18,9620 նոր ռեկորդային նվազագույնի, հինգշաբթի հաղորդում է Reuters-ը։

Նշվում է, որ Թուրքիայի ազգային արժույթի անկումը կապված է այս տարվա փետրվարին երկրում տեղի ունեցած հզոր երկրաշարժերի տնտեսական հետեւանքների մասին ներդրողների գնահատականների հետ։

Բացի այդ, անորոշությունն ավելացնում են մայիսի 14-ին Թուրքիայում կայանալիք նախագահական ու խորհրդարանական ընտրությունները։

Գործակալությունը նշում է, որ լիրան պահպանում էր կայունությունը նախորդ տարվա օգոստոսից՝ շնորհիվ արժութային շուկայում իշխանությունների կոշտ քաղաքականության։