ՌԴ ՊՆ-ն՝ Արցախում տիրող իրավիճակի մասին

Ռուս խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։  Երեսուն դիտակետերում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը։ Այս մասին տեղեկանում ենք ՌԴ պաշտպանության նախարարությունից։

Նշվում է, որ անցած մեկ օրվա ընթացքում հրադադարի ռեժիմի խախտումներ չեն արձանագրվել:

Մարտակերտի, Մարտունու շրջաններում եւ Լաչինի միջանցքում պարեկություն է իրականացվել երեք երթուղիներով։

Ռուսական խաղաղապահ կոնտինգենտի շարասյունը մարդասիրական բեռներ է ուղեկցել Գորիս-Ստեփանակերտ երթուղով։  

Շուշիի շրջանի անապահով եւ բազմազավակ ընտանիքներին սննդի փաթեթներ բաժանելու նպատակով մարդասիրական արշավ է իրականացվել։

Ռուս խաղաղապահների անվտանգությունն ապահովելու եւ հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի եւ Հայաստանի զինված ուժերի գլխավոր շտաբների հետ, նշվում է հաղորդագրության մեջ։