44 տարեկան հասակում մահացել է անօթևան դերասանուհի Դենիզ Ռուսոն
Գիտություն և Մշակույթ
Մահացել է դերասանուհի և մոդել Դենիզ Ռուսոն, ով հայտնի է դարձել VH1-ի «X-Life» ռեալիթի շոուից հետո, հայտնում է The New York Post-ը։
Դերասանուհուն մահացած են գտել ընկերոջ բնակարանում։
Մահվան պաշտոնական պատճառը չի հաղորդվում։ Հրատարակությունը հայտնում է, որ դեպքի վայրում հայտնաբերվել են թմրանյութերի օգտագործման համար նախատեսված իրեր։ Սան Դիեգոյի ոստիկանությունը հետաքննություն է անցկացնում։
Վերջին ժամանակներս կինն ապրում էր մեքենայում, պատմել է հեռուստաշոուից նրա գործընկեր ու ընկերուհի Սյուզի Սթենբերգը։ Նրա խոսքով՝ Ռուսոն զանգահարել էր իրեն մահվան նախօրեին։
Նշվում է, որ «X-Life» շոուի նկարահանումների ժամանակ Ռուսոն հանդիպել է պրոֆեսիոնալ սքեյթբորդիստ Պիեռ-Լյուկ Գանոնի հետ, նրանք որդի են ունեցել, սակայն ավելի ուշ բաժանվել են, գրում են լրատվամիջոցները։
Ռուսոն 44 տարեկան էր։
Ամենադիտված 
ՀՀ ՊՆ–ն հայտարարություն է տարածել
