Եվրոպական ընկերությունների բաժնետոմսերը սկսել են կտրուկ անկում ապրել ԱՄՆ բանկային ճգնաժամի ֆոնին․ CNBC

Եվրոպական ֆոնդային շուկաները փլուզվել են մարտի 13-ին ԱՄՆ բանկային ճգնաժամի ֆոնին: Այս մասին հայտնում է CNBC-ն։

Նշվում է, որ համաեվրոպական Stoxx 600 ինդեքսը ստորին կետում իջել է մինչև 440,8 պունկտի (-2,86%), Մեծ Բրիտանիայի և եվրոպական FTSE 100 ինդեքսը նվազել է մինչև 7549,7 պունկտ (-2,5%): Գերմանական DAX ֆոնդային ինդեքսը կազմել է 14988 պունկտ(-2,88%)։

Բացի այդ, զգալիորեն էժանացել են Եվրոպայի խոշորագույն բանկերի բաժնետոմսերը, այդ թվում՝ Deutsche Bank-ինը։ Իտալական ֆոնդային բորսայում UniCredit-ի բաժնետոմսերը նվազել են 7,75%-ով և կազմել 17,18 եվրո: