Թուրքիան կարող է հաստատել ՆԱՏՕ-ին անդամակցելու Ֆինլանդիայի հայտը մայիսի 14-ին կայանալիք ընտրություններից առաջ․ ԶԼՄ
Համաշխարհային Մամուլ
Թուրքիան կարող է հավանություն տալ Ֆինլանդիայի՝ ՆԱՏՕ-ին Շվեդիայից առանձին միանալու հայտին՝ մայիսի 14-ին նշանակված ընտրություններից առաջ, հայտնում է Reuters-ը՝ վկայակոչելով երկու թուրք պաշտոնյաների։
«Մայիսի 14-ին կայանալիք ընտրություններից առաջ Թուրքիան ծրագրում է հաստատել ՆԱՏՕ-ին անդամակցելու Ֆինլանդիայի հայտը՝ առանց Շվեդիայի», - ասել են թուրք պաշտոնյաները։
Ինչպես հայտնում է ՌԻԱ Նովոստին, իրենց տվյալներով՝ Թուրքիայի խորհրդարանը, ամենայն հավանականությամբ, կվավերացնի Ֆինլանդիայի անդամակցությունը ՆԱՏՕ-ին մինչև ապրիլի կեսերին կայանալիք նստաշրջանի ավարտը։
Ֆինլանդիան և Շվեդիան անցյալ տարվա մայիսին ՆԱՏՕ-ի գլխավոր քարտուղարին են փոխանցել դաշինքին միանալու դիմումները։ Սկզբում Թուրքիան արգելափակեց այս դիմումների քննարկման գործընթացը, սակայն արդեն հունիսի 29-ին Թուրքիան, Շվեդիան և Ֆինլանդիան ստորագրեցին անվտանգության հուշագիր, որը հաշվի է առնում Անկարայի բոլոր մտահոգությունները։ Մինչ օրս Շվեդիայի և Ֆինլանդիայի հայտերը ՆԱՏՕ-ին չեն վավերացրել 30 երկրներից միայն երկուսը` Հունգարիան և Թուրքիան:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
