ԱՄՆ-ն կարծում է, որ Ռուսաստանը հայտնաբերել է կործանված MQ-9 Reaper-ի մի քանի փոքր բեկորներ․ CNN

ԱՄՆ-ը կարծում է, որ ռուսական կողմը Սեւ ծովում հայտնաբերել է խոցված ամերիկյան հետախուզական MQ-9 Reaper անօդաչու թռչող սարքի բեկորների մի մասը։ Այս մասին հայտնում է CNN-ը՝ վկայակոչելով իրավիճակին ծանոթ ամերիկացի պաշտոնյային։

Հրատարակությունը նշում է, որ Միացյալ Նահանգների նախագահ Ջո Բայդենի վարչակազմը խիստ նվազեցրել է անօդաչու թռչող սարքի բեկորների նշանակությունը կամ դրանց օգնությամբ որևէ գաղտնի տեղեկություն ստանալու հնարավորությունը։

Միացյալ Նահանգների ազգային անվտանգության խորհրդի ռազմավարական հաղորդակցությունների համակարգող Ջոն Քիրբիի խոսքով՝ ԱՄՆ-ն հետախուզական արժեք ունեցող բեկորների հավաքումն անհնարին է դարձրել ռուսական կողմի համար։