Օվերչուկը հայտարարել է Ադրբեջանի հետ իրականացվելիք նոր նախագծի մասին

Ռուսաստանը շահագրգռված է Ադրբեջանի հետ հարաբերությունների ամրապնդմամբ և զարգացմամբ։ Այս մասին հայտարարել է ՌԴ փոխվարչապետ Ալեքսեյ Օվերչուկը երկու երկրների սահմանին «Խանոբա» մաքսակետի բացման արարողության ժամանակ, հաղորդում է report.az-ը։

«Այն, ինչ այսօր տեղի է ունենում աշխարհում, կլիմայական փոփոխությունները, տեխնոլոգիական և էներգետիկ անցումները, այս ամենը հանգեցնում է նոր տարածաշրջանների և առևտրային հարաբերությունների ստեղծմանը: Սա կազդի նաև Հյուսիս-հարավ միջազգային տրանսպորտային միջանցքի վրա: Մենք այդ միջանցքը կառուցում ենք Ադրբեջանի և այլ երկրների հետ միասին։ Այստեղ «ավտոմեքենաների փոխադրումն արդեն հաստատված է: Այսօր օգտագործեցինք նոր ճանապարհը, այս ենթակառուցվածքն արդեն պատրաստ է։ Բացի այդ, Ադրբեջանի հետ բանակցություններ են ընթանում երկաթուղային ենթակառուցվածքների զարգացման շուրջ։ Այս նախագիծը կմիացնի Ռուսաստան-Ադրբեջան-Իրան և Պարսից ծոցը»,- ասել է նա։

Նա նաև նշել է, որ «Խանոբա» մաքսակետը կապահովի Հնդկաստանից և Պակիստանից Իրանի և Ադրբեջանի տարածքով ապրանքների անխափան և արդյունավետ տեղաշարժը դեպի Ռուսաստան։

«Սա լինելու է 21-րդ դարի ամենակարեւոր տրանսպորտային մայրուղին, եւ փաստորեն այսօր շահագործման է հանձնվել այս մայրուղու առաջին տարրը»,- ասաց ՌԴ փոխվարչապետը։