Ծինփինը հայտնել է՝ ինչու է վերընտրվելուց հետո առաջինը Ռուսաստան այցելել
Համաշխարհային Մամուլ
Չինաստանի նախագահ Սի Ցզինպինը հայտարարել է, որ վերընտրվելուց հետո իր առաջին այցի վայր է ընտրել Ռուսաստանը, ինչպես 10 տարի առաջ, քանի որ Ռուսաստանն ու Չինաստանը լավ հարևաններ են։ Այս մասին նա ասել է Մոսկվայում ՌԴ նախագահ Վլադիմիր Պուտինի հետ ոչ պաշտոնական հանդիպմանը, գրում է Interfax-ը։
Նա հիշել է, որ ուղիղ տասը տարի առաջ, երբ առաջին անգամ դարձավ ՉԺՀ-ի նախագահը, իր առաջին արտասահմանյան այցի համար դարձյալ ընտրեց Ռուսաստանը։
«Մինչ օրս այդ պատկերները լավ են պահպանվել իմ սրտում»,- ասել է Չինաստանի ղեկավարը։
Սի Ցզինպինի խոսքով, «չինական կողմը մեծ ուշադրություն է դարձնում չին-ռուսական հարաբերությունների զարգացմանը, քանի որ դա ունի իր պատմական տրամաբանությունը, քանի որ «ամենամեծ հարևան երկրներն են, գործընկերներ են համապարփակ ռազմավարական համագործակցության մեջ, և դա որոշում է, որ երկրների միջև պետք է լինեն սերտ հարաբերություններ»։
«Ես շատ երախտապարտ եմ ձեզ այն առումով, որ դուք միշտ դրական եք վերաբերվել վերջին տարիներին Չինաստանի զարգացման և առաջընթացի հարցում: Դուք միշտ աջակցում եք մեզ: Իհարկե, մենք դա զգում ենք: Մենք երախտապարտ ենք ձեզ»,- ասել է Սին Ծինպինը Վլադիմիր Պուտինին։
Նա նշել է, որ Ռուսաստանն ու Չինաստանն ունեն «շատ նույնական կամ նման նպատակներ առաջընթացի հարցում»։
Ամենադիտված 
Մնաս բարյավ. Րաֆֆի Հովհաննիսյան
