Ինչ ունեցվածք են հայտարարագրել Դիլիջանի ավագանու ՔՊ-ական անդամները

Շարունակելով ընթերցողների ուշադրությանը ներկայացնել ՀՀ խոշոր համայնքների և քաղաքների ավագանու անդամների կողմից ներկայացված եկամտի և ունեցվածքի հայտարարագրերը՝ այսօր կանդրադառնանք Դիլիջան քաղաքի ՔՊ-ական ավագանու անդամներից մի քանիսին:

Դիցուք՝ համայնքապետ Դավիթ Սարգսյանը կոռուպցիայի կանխարգելման հանձնաժողով ներկայացրած իր հայտարարագրի մեջ նշել է 5 անշարժ գույք, բեռնատար, 1 միլիոն դրամ։

Դավիթ Սարգսյանի տեղակալ Արման Բազինյանը հայտարարագրել է երկու բնակարան Դիլիջանում,  2015-ին ձեռք բերված HONDA մակնիշի ավտոմեքենա, 500,000.00 կանխիկ դրամ, տարվա ընթացքում ստացված եկամուտը կազմել է 4,686,230.00 դրամ, իսկ ահա ստացված վարկերն ու փոխառությունները՝ 2,370,683.00 դրամ:

Ավագանու անդամ Սուրեն Գրիգորյանը հայտարարագրել է անշարժ գույք, իսկ ավելի հստակ՝ Հայաստանի Հանրապետության օրենսդրության համաձայն նոր կառուցված, ձեռք բերված և անշարժ գույքի կադաստր վարող լիազոր մարմնի կողմից հաշվառված ու գնահատված այն շինությունները, որոնք դեռևս չեն ստացել իրավունքների պետական գրանցում, ինչպես նաև սեփականության կամ հողօգտագործման իրավունք ունեցող անձանց կողմից այդ հողամաuի վրա ինքնակամ կառուցված շենքերը և շինությունները, այդ թվում՝ բազմաբնակարան շենքերում կամ շենքերին կից ինքնակամ կառույցները: Բացի այդ նա հայտարարագրել է անհատական բնակելի տուն, երկու հողամաս՝ որպես ժառանգություն: Կանխիկ դրամ՝ 500,000.00 դրամ։

Նարեկ Ալիխանյանը հայտարարագրել է Հայաստանի Հանրապետության օրենսդրության համաձայն նոր կառուցված, ձեռք բերված և անշարժ գույքի կադաստր վարող լիազոր մարմնի կողմից հաշվառված ու գնահատված այն շինությունները, որոնք դեռևս չեն ստացել իրավունքների պետական գրանցում, TOYOTA մակնիշի ավտոմեքենա, ինչպես նաև MERCEDES-BENZ ավտոմեքենա, կանխիկ գումարը կազմել է 7,000.00 դրամ։