ՊՎԾ պետ Ռոմանոս Պետրոսյանի ուշագրավ գնումները. ինչի՞ վրա են ուղղվել պետբյուջեի գումարները

Շարունակելով ներկայացնել այն կառույցները, որոնք պետական բյուջեի հաշվին մեկ անձից գնումներ են իրականացնում՝ այսօր կանդրդառնանք ՊՎԾ ղեկավար Ռոմանոս Պետրոսյանին:

Եվ, այսպես, նախորդ տարվա ընթացքում ՊՎԾ-ն ձեռք է բերել 390,000 դրամի հեռախոսային ցանցերի պահպանման ծառայություններ Անդրանիկ Հինդոյանից։

215,600 դրամի տպագրական նյութեր՝ Ա/Ձ Էդիկ Սիմոնյանից, 200,400 դրամի վարչական սարքավորումներ «Վեգա Ուորլդ»-ից։

430,100 դրամի կենցաղային ապրանք է ձեռք բերվել «Խաս-Խազ» ՍՊԸ-ից, 280,000 դրամի թուղթ կտրող սարք «Մայ Մարկետ» ՍՊԸ-ից, 290,000 դրամի վերելակների վերանորոգման ծառայություն՝ Էդգար Պետրոսյանից, 900,000 դրամի չհրկիզվող պահարան է ձեռք բերվել «Սմարթլայն» ՍՊԸ-ից։

360,500 դրամի գրասենյակային ապրանք է ձեռք բերվել Ա/Ձ Էդիկ Սիմոնյանից, 630,000 դրամի համակարգչային աթոռ «ԼԵՎԱՆ» ՍՊԸ-ից, 220,000 դրամի ներկայացուցչական ծառայություններ «ԲԱԶԱՐՏ ՍՊԸ»-ից, 941,250 դրամի տնտեսական ապրանք է ձեռք բերվել «ՈՍԿԵ ԱԳԱ» ՍՊԸ-ից։

461,600 դրամի կենցաղային տնտեսական ապրանք է ձեռք բերվել «ԷԼԵԿՏՐԻԿԱ ԳՌՈՒՊ» ՍՊԸ-ից,200,000 դրամի ավտոմեքենաների անիվ է ձեռք բերվել Քնարիկ Պետրոսյան ԱՁ-ից, 647,500 դրամի գրասենյակային կահույք՝ ԱՁ Ժորա Հովհաննիսյանից, 1,318,030 ներկայացուցչական ծառայություններ՝ «Բոնա Վիտա» ՍՊԸ-ից։

600,000  դրամի համակարգչային սարքերի պահպանման և վերանորոգման ծառայություններ են գնվել Մանվել Ջալավյան Արշավիրի ԱՁ-ից, 495,000 դրամի հաշվապահական համակարգչային ծրագրային փաթեթների մշակման ծառայություններ՝ «ԼԻՆԿ» ՍՊԸ-ից, 536,950 դրամի ներկայացուցչական ծառայություններ «Ռեդի-Սթեդի» ՍՊԸ-ից։

Գաղտնիք չէ, որ մեկ անձից, ասել է թե՝ առանց մրցույթ կազմակերպված գնումներն իրենց մեջ կոռուպցիոն պոտենցիալ ռիսկեր են պարունակում: Այն մասին, որ այդ ռիսկերը առկա են ՀՀ պետական գնումների համակարգում, խոսել է անգամ ԱՄՆ պետդեպարտեմենտն իր վերջին զեկույցում: Սակայն, ստացվում է, որ այն կառույցները, որոնք կոչված են արմատախիլ անել կոռուպցիոն ռիսկերը պետական կառավարման համակարգից, կամա թե ակամա իրենք են զարկ տալիս նմանօրինակ ռիսկերին: