Հիմա տեղի են ունենում փոփոխություններ, որոնք չեն եղել 100 տարի, և մենք միասին ենք այդ փոփոխությունների հեղինակը. Ծինփինը՝ Պուտինին
Համաշխարհային Մամուլ
Չինաստանի նախագահ Սի Ցզինպինը երեքշաբթի երեկոյան ժամը 21:00-ի սահմաններում ՌԴ նախագահ Վլադիմիր Պուտինի հետ մեկօրյա բանակցություններից հետո լքել է Կրեմլը։ Հանդիպումը տևել է մոտ վեց ժամ, գրում է ՏԱՍՍ-ը։
Այս ընթացքում Պուտինն ու Սի Ցզինպինը Կրեմլի մեծ պալատում նեղ և ընդլայնված բանակցություններ են վարել պատվիրակությունների անդամների հետ, ստորագրել են երկրների միջև համագործակցության զարգացման վերաբերյալ համատեղ հայտարարություններ և վերջնական հայտարարություններ արել լրատվամիջոցներին։ Ծրագիրն ավարտվել էհանդիսավոր ընթրիքով։
Պուտինը դուրս է եկել Սի Ծինփինին դիմավորելու Կրեմլի մեծ պալատի շքամուտքում։ Դռան մոտ առաջնորդները կանգ են առել հրաժեշտի խոսքեր փոխանակելու համար։ «Հենց հիմա տեղի են ունենում փոփոխություններ, որոնք տեղի չեն ունեցել հարյուր տարի, և մենք միասին ենք այդ փոփոխությունների հեղինակը», - ասել է Չինաստանի նախագահը երկար ձեռքսեղմման ժամանակ։ «Համաձայն եմ»,- պատասխանել է ՌԴ ղեկավարը։ «Խնդրում եմ հոգ տանել ձեր մասին, սիրելի ընկեր»,- ասել է Սի Ծինփինը։
Ռուսաստանի Դաշնության նախագահը սպասել է, մինչև ՉԺՀ նախագահը նստել է «Լիմուզին» և հեռացել պալատից։ Նա ձեռքով հրաժեշտ տվել Ծինփինին։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
