Թրամփը ցանկանում է ձեռնաշղթաներով ներկայանալ դատարան ու նիստը վերածել ներկայացման․ Guardian

ԱՄՆ նախկին նախագահ Դոնալդ Թրամփը հայտարարել է, որ կցանկանար ձեռնաշղթաներով հայտնվել դատարանի դահլիճում, եթե իրեն մեղադրանք առաջադրեն, գրում է Guardian-ը։

Թրամփի խոսքով՝ այս կերպ ցանկանում է «լսումները վերածել ներկայացման»։

Ավելի վաղ հաղորդվում էր, որ Թրամփը փորձում է իր օգտին օգտագործել այն փաստը, որ Նյու Յորքի դատախազությունը կարող է իրեն մեղադրանք առաջադրել՝ մեծահասակների համար նախատեսված ֆիլմերի աստղ Սթորմի Դենիելսի լռության դիմաց վճարման հետ կապված։

Հրատարակության համաձայն՝ քաղաքական գործչի թիմը սկսել է ակտիվորեն էլեկտրոնային նամակներ ուղարկել նրա կողմնակիցներին՝ խնդրելով նվիրատվություն կատարել Հանրապետականի նոր նախագահական արշավի համար։

Ինչպես նշվում է Թրամփի կողմնակիցներին ուղղված նամակներում, ԱՄՆ նախկին նախագահը վստահ է, որ իրական արդարացումը կգա 2024 թվականի ընտրությունների օրը, երբ ինքը «հետ կվերցնի Սպիտակ տունը»։