Մարտի 25-ին Երկրին կմոտենա 44-99 մ տրամագիծ ունեցող աստերոիդ

«2023 DZ2»-ը Երկրին կմոտենա շաբաթ օրը՝ մարտի 25-ին 17,426 մղոն/ժ (28,044 կմ/ժ) արագությամբ: ՆԱՍԱ-ն պնդում է, որ այս չափի օբյեկտը Երկրի մոտով անցնում է «միայն տասնամյակը մեկ անգամ»:

Լոնդոնի խորհրդանշական Բիգ Բենի ժամացույցի աշտարակի և Նյու Յորքի Ազատության արձանի չափով հսկայական աստերոիդը շաբաթ օրը կմոտենա Երկրին՝ 107500 մղոն (173000 կմ) հեռավորության վրա՝ երկու անգամ ավելի մոտ, քան Լուսինը: Այս մասին հայտնում է Daily Mail-ը։

Տիեզերական մարմինը, որը ստացել է «2023 DZ2» անվանումը, ունի 44-99 մ տրամագիծ։ Այն նաև երեք անգամ մեծ է Չելյաբինսկի աստերոիդից, որի հարվածային ալիքը բախումից հետո երկու անգամ պտտվել է երկրագնդի վրա։