Ռուսաստանի և ԱՄՆ-ի բանակների բախման հետևանքները հրեշավոր կլինեն. Մեդվեդև

Ռուսաստանի Դաշնության և ԱՄՆ-ի բանակների բախման հետևանքները հրեշավոր կլինեն, զգուշացրել է ՌԴ Անվտանգության խորհրդի փոխնախագահ Դմիտրի Մեդվեդևը՝ պատասխանելով ռուսական լրատվամիջոցների, այդ թվում՝ ՏԱՍՍ-ի հարցին։

«Հասկանալ, թե որ բանակն է առաջինը, որն է երկրորդը, որն է քսանմեկերորդը, հնարավոր է միայն իրական հակամարտության ընթացքում։ Սա առաջինը: Եվ երկրորդ՝ ասել, որ ամերիկյան բանակը առաջինն է, իսկ մերը՝ երկրորդը, ճիշտ չէ մի պարզ պատճառով: Եթե այս բանակները պատերազմեն, ինչպե՞ս ենք որոշելու հաղթողին։ Հասկանալի է, որ այս դեպքում հաղթող չի լինի»,- ասել է քաղաքական գործիչը։

«Կարևոր չէ, թե քանի հրթիռ է խոցվելու Ամերիկայի կամ Ռուսաստանի Դաշնության երկնքում, դրանցից մի քանիսը երաշխավորված պարտություն են հասցնելու հակառակորդին։ Դրա հետևանքները հրեշավոր կլինեն, իսկ հետո անհնար կլինի ասել, թե որ բանակն է առաջինը, որը՝ երկրորդը»,- ասել է Մեդվեդևը։