Ինչ ունեցվածք են հայտարարագրել Ջերմուկի ավագանու ՔՊ-ական անդամները

Շարունակելով ընթերցողների ուշադրությանը ներկայացնել ՀՀ խոշոր համայնքների և քաղաքների ավագանու անդամների կողմից ներկայացված եկամտի և ունեցվածքի հայտարարագրերը՝ այսօր կանդրադառնանք Ջերմուկ քաղաքի ՔՊ-ական ավագանու անդամներից մի քանիսին:

Դիցուք՝ Ջերմուկի համայնքապետ Վահագն Արսենյանը հայտարարագրել է ավտոկայանատեղի, բնակարան,  հողամաս, հասարակական նշանակության շինություն: 2021-ին գնված PORSCHE մակնիշի ավտոմեքենա: 480.128.00, 15,000,00, 100,000,00 դրամի և 500 եվրոյի արժեթուղթ: Հանձնված և վերադարձրած փոխառությունները «Ջերմուկ Գրուպ» ՓԲԸ-ից կազմել են 249,290,289,0 դրամ: Բանկային հաշվի մնացորդը կազմել է 326 հազար դրամ, 34 ԱՄՆ դոլար, 19 հազար ռուսական ռուբլի: Կանխիկ դրամը՝ 2 միլիոն ԱՄՆ դոլար, 12 միլիոն ՀՀ դրամ, 435 հազար եվրո, 5 միլիոն ռուսական ռուբլի: Եկամուտները տարվա կտրվածքով կազմել են 284,869,095,00 դրամ:

Համայնքի ղեկավարի տեղակալ Վարդան Սարգսյանը հայտարարագրել է բնակարան բազմաբնակարան շենքում, հողամաս, MAZDA մակնիշի ավտոմեքենա,  բանկային հաշիվների մնացորդը կազմել  է 500 ԱՄՆ դոլար:  Կանխիկ դրամը՝ 3 միլիոն դրամ և 5 հազար ԱՄՆ դոլար: Տարվա կտրվածքով պաշտոնյայի եկամուտը կազմել է 3,264,324,00 դրամ:

Համայնքի ղեկավարի մյուս տեղակալ Աշոտ Խաչատրյանը հայտարարագրել է բնակարան բազմաբնակարան շենքում, հասարակական նշանակության շինություն,  KIA մակնիշի ավտոմեքենա,  տարվա կտրվածքով եկամուտները կազմել են 16,341,724 հազար դրամ: