Իսրայելի վարչապետը հետաձգել է դատական ​​բարեփոխումների մասին օրենքի ընդունումը․ ԶԼՄ

Իսրայելի վարչապետ Բենիամին Նեթանյահուն հետաձգել է դատաիրավական բարեփոխումների մասին օրենքի ընդունումը մինչև ամառ։ Այս մասին հայտնում է Kan ռադիոկայանը՝ հղում անելով ազգային անվտանգության նախարար Իտամար Բեն Գվիրին, փոխանցում է ՏԱՍՍ-ը։

Ավելի վաղ հաղորդվել էր, որ Կնեսետի Սահմանադրության, օրենսդրության և արդարադատության հանձնաժողովը վերջնական ընթերցման համար հաստատել է դատավորների նշանակման հանձնաժողովի կազմը փոխելու օրինագիծը։

Մարտի 26-ին Իսրայելում բողոքի զանգվածային ցույցեր են սկսվել դատական ​​բարեփոխումների դեմ․ ավելի քան 600 հազար մարդ դուրս է եկել փողոց։ Ըստ օրենսդրության բարեփոխման՝ խորհրդարանական մեծամասնությունը կկարողանա ընտրել Գերագույն դատարանի դատավորներ, որոնք կկորցնեն կաբինետի որոշումները չեղարկելու իրավունքը։