Ինչ ունեցվածք են հայտարարագրել Վանաձորի ավագանու ՔՊ-ական անդամները

Շարունակելով ընթերցողների ուշադրությանը ներկայացնել ՀՀ խոշոր համայնքների և քաղաքների ավագանու անդամների կողմից ներկայացված եկամտի և ունեցվածքի հայտարարագրերը՝ այսօր կանդրադառնանք Վանաձոր քաղաքի ՔՊ-ական ավագանու անդամներից մի քանիսին:

Եվ այսպես՝ համայնքապետի ԺՊ նշանակված Արկադի Փելեշյանը հայտարարագրել է հասարակական նշանակության շինությունը (բնակչության սոցիալական սպասարկման, ինչպես նաև վարչական ու հասարակական կազմակերպությունների տեղակայման համար նախատեսված շինությունը), 1,700,000.00 դրամի կանխիկ գումար, հաշվետու տարվա ընթացքում ստացված եկամուտը կազմել է 2,589,416.00 դրամ:

Վանիկ Օհանյանը հայտարարարգրել է բնակարան, հասարակական նշանակության շինությունը (բնակչության սոցիալական սպասարկման, ինչպես նաև վարչական ու հասարակական կազմակերպությունների տեղակայման համար նախատեսված շինությունը), ավտոտնակ, հողամաս: Բացի այդ, նա հայտարարագրել է 2019-ին ձեռք բերված MERCEDES-BENZ մակնիշի ավտոմեքենա, բանկային հաշիվների մնացորդը կազմել է 39,960.00 դրամ, կանխիկ գումարը՝ 5,300,000.00 դրամ և 5,000.00 ԱՄՆ դոլար, եկամուտները կազմել են՝ 222,970.00, 504,793.00 և 3,961,404.00 դրամ:

Վահագն Մկրտչյանը հայտարարագրել է անհատական բնակելի տուն, հողամաս, ավտոտնակ և բնակարան:  Բացի այդ, ավագանու անդամը հայտարարագրել է 2009-ին գնված VAZ մակնիշի ավտոմեքենա: Բանկային հաշիվների մնացորդը կազմել է 818,000.00 դրամ, 15,000.00 եվրո և 25,000.00 ԱՄՆ դոլար: Կանխիկ գումարը՝ 1,000,000.00 դրամ: Հաշվետու տարում առկա եկամուտները կազմել են 25,275,028.00 դրամ: