Թույլ չեմ տա, որ Արևմուտքը Թուրքիային ներքաշի Ռուսաստանի դեմ պատերազմի մեջ. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ երկիրը չի ներքաշվի Ռուսաստանի հետ պատերազմի մեջ, քանի դեռ ինքը նախագահ է։ Նրա կարծիքով, եթե չլինեին իր կուսակցության ջանքերը վերջին երկու տարիներին, Արևմուտքը երկիրը կներքաշեր Ռուսաստանի հետ պատերազմի մեջ։

«Եթե չլինեին վերջին երկու տարիների մեր ջանքերը, «արևմտյան ակումբը» Թուրքիային կներքաշեր Ռուսաստանի դեմ պատերազմի մեջ։ Քանի դեռ մենք այստեղ ենք, մենք դա թույլ չենք տա»,- ասել է Էրդողանը A Haber հեռուստաալիքին տված հարցազրույցում։

Նա հավելել է, որ երկիրը դեռևս պատրաստվում է միջնորդ լինել Ռուսաստանի և Ուկրաինայի միջև։ «Ես միանշանակ հույս ունեմ, որ Ռուսաստանի և Ուկրաինայի միջև իրավիճակը կավարտվի լուրջ և վճռական միջնորդությամբ»,- ասել է Էրդողանը։

Թուրքիայի նախագահական և խորհրդարանական ընտրությունները նշանակված են մայիսի 14-ին։ Էրդողանի հիմնական մրցակիցը կլինի թուրքական ընդդիմության միասնական թեկնածու, Ժողովրդահանրապետական ​​կուսակցության նախագահ Քեմալ Քըլըչդարօղլուն։