Փաշինյանի նոր որոշումը հետադարձ ուժ կունենա՞ ՔՊ-ականների համար

Կառավարության նիստի ընթացքում Նիկոլ Փաշինյանը հայտարարել է, որ այն պաշտոնյաները ովքեր անհարգալից վերաբերմունք կցուցաբերեն ՀՀ պետական սիմվոլիկայի հանդեպ, կազատվեն պաշտոնից: Հետաքրքիր է, իսկ արդյո՞ք Նիկոլ Փաշինյանը հիշում է իր այն թիմակիցներին, ովքեր նմանատիպ, մեղմ ասած, ոչ հարգալից վերաբերմունք են դրսևորել ՀՀ և նաև Արցախի պետական սիմվոլիկայի հանդեպ:

Դիցուք՝ ամիսներ առաջ ԱԺ հերթական նիստի ընթացքում օրվա գլխավոր թեման դարձավ, ոչ թե քննարկվող հարցերից մեկը, այլ իշխանական ֆրակցիայի կողմից Արցախի Հանրապետության դրոշի հանդեպ ցուցաբերած, մեղմ ասած, տգեղ պահվածքը: Պատգամավոր Վահագն Ալեքսանյանը նախ հեռացրեց ամբիոնին փակցված դրոշը, այնուհետև տարբեր պատգամավորներ այն անվանեցին՝ ինչ-որ բան և նույնիսկ առաջարկեցին այն փակցնել իրենց գլխին:

Իսկ սկսում էին այս իշխանությունները շատ ավելի բարձր հայրենասիրական նոտայի վրա: Այն, որ պետական խորհրդանիշների նկատմամբ պետք է հարգանք ցուցաբերվի, միանշանակ է, բայց մաքսատանը դրված դրոշի նկատմամբ ի՞նչ անարգանք էր եղել, որի համար աշխատանքից մարդ ազատեցին, այդպես էլ մութը մնաց: Ամեն դեպքում, Նիկոլ Փաշինյանը դա արեց հրապարակավ և դրան մեծ աղմուկ հաղորդելով ու պաթոսով՝ փաստ է:

Ամիսներ առաջ  համացանցը քննարկում էր Դուշանբեում կայացած ՀԱՊԿ երկրների ԱԳՆ և ԱԽՔ ղեկավարների հանդիպման ժամանակ ՀՀ դրոշի հետ տեղի ունեցած կազուսը: Բանն այն է, որ ԱԽՔ Արմեն Գրիգորյանի դիմաց ՀՀ թարս դրոշ էր դրվել, ինչը, սակայն, աննկատ մնաց հայ պաշտոնյայի կողմից: Ինչ խոսք, անգամ եթե կազմակերպիչների կողմից դա արվել էր հատուկ, կամ անփութության նշան էր՝ Գրիգորյանը կարող էր ինքն ուղղել ՀՀ պետական սիմվոլիկան. մի բան, ինչը չարեց:

ԱԱԾ պետի՝ Անվտանգության խորհրդի նիստին Կոլումբիայի դրոշով ներկայանալու հանգամանքը նույնպես մոռացության մատնվեց:

Վարչապետ Փաշինյանը, ով հեղափոխությունից հետո արարատյան մաքսատան աշխատակցին հրապարակավ ազատել էր աշխատանքից՝ դրոշը անարգելու համար, ինքն էլ հետ չի մնում, վերջինս ՀՀ դրոշի գույներով զուգագուլպա էր կրում, ինչը նույնպես միանշանակ չէր ընդունվել հանրության կողմից:

Իր տան դռան վերևում ՔՊ-ական Մխիթար Հայրապետյանն էլ էր կախել մի դրոշ, որն այդքան էլ Հայաստանի դրոշը չէր, բացի այդ փոշոտ էր, ինչպես ՊԵԿ աշխատակցի դեպքում:

Արարատի մարզի Արարատ խոշորացված համայնքի Արմաշ վարչական շրջանի ղեկավար, «Քաղաքացիական պայմանագիր»  կուսակցության  անդամ Սամվել Նահապետյանը նույնպես երևի տեղյակ չէր, որ իրենց կուսակցության լիդեր, ՀՀ վարչապետ Նիկոլ Փաշինյանը  առանձնակի «դաժանություն» է ցուցաբերում այն անձանց նկատմամբ, ովքեր անհարգալից վերաբերմունք են ցուցաբերում Հայաստանի խորհրդանիշների, այդ թվում՝ դրոշի նկատմամբ:

Ստացվում է, որ եթե այս օրենքը ունենա հետադարձ ուժ, ապա, ըստ Փաշինյանի հայտարարության, վերը նշված պաշտոնյաները պետք է ազատվեն զբաղեցրած պաշտոններից: Չնայած, արդարության համար նշենք, որ մեծագույն ցանկության դեպքում դրան կարելի էր հասնել նաև գործող օրենսդրության շրջանակներում, պարզապես, ինչպես երևում է, գործող իշխանությունների մոտ հայրենասիրությունը մեծապես դրսևորվում է կենացների մակարդակում...

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան