Սի Ծինփինը հայտարարել է, որ Չինաստանը պատրաստվում է հնարավոր լայնածավալ պատերազմի

Չինաստանի ժողովրդա-ազատագրական բանակը և չին ժողովուրդը պետք է լիովին պատրաստ լինեն հնարավոր լայնածավալ պատերազմին։ Այս մասին խորհրդարանի տարեկան նիստում հայտարարել է Չինաստանի նախագահ Սի Ծինփինը, հայտնում է Foreign Affairs ամսագիրը։

Ամսագրում ուշադրություն է դարձվել հանդիպումների ժամանակ նախագահի չորս ելույթների բովանդակության վրա, որոնցում նա հայտարարել է, որ ինքը «Չինաստանին պատրաստում է պատերազմի»՝ միաժամանակ կոչ անելով Չինաստանի ժողովրդա-ազատագրական բանակի գեներալներին «չվախենալ կռվելուց և դժվար որոշումներ կայացնելուց»:

«Պատերազմներին ընդառաջ, որոնք կարող են պարտադրվել մեզ, պետք է խոսենք մեր թշնամիների հետ իրենց հասկանալի լեզվով և օգտագործենք հաղթանակը խաղաղություն և հարգանք նվաճելու համար: Նոր դարաշրջանում Չինաստանի ժողովրդա-ազատագրական բանակը պնդում է ռազմական ուժի կիրառումը ռազմական գործողությունները դադարեցնելու համար», - գրել է Սի Ծինփինի էսսեում, որը հրապարակվել է Չինաստանի խորհրդարանի մարտի նիստերից առաջ:

Հաղորդվում է, որ Սին 2022 թվականի դեկտեմբերից Չինաստանում բացել է նոր զինկոմիսարիատներ և հավաքակայաններ, որպեսզի Պեկինը կարողանա «ակտիվացնել իր պահեստային ուժերը և ինստիտուցիոնալացնել համակարգը՝ պատերազմի դեպքում մարտական ​​ստորաբաժանումների համալրման համար»: