ՌԴ-ում ՀՀ դեսպանը համագործակցության հարցեր է քննարկել Կրասնոդարի երկրամասի ղեկավարի հետ

ՌԴ-ում ՀՀ դեսպան Վաղարշակ Հարությունյանը ՌԴ Կրասնոդարի երկրամասի նահանգապետ Վենիամին Կոնդրատևի հետ քննարկել է հայ-ռուսական միջտարածաշրջանային հարաբերությունների հետագա զարգացումը։ Տեղեկությունը հայտնում է ՌԴ–ում ՀՀ դեսպանությունը` նշելով, որ հանդիպումը կայացել է Կրասնոդարում։

Վաղարշակ Հարությունյանն իր խոսքում մասնավորապես նշել է, որ Հայաստանը վաղեմի բարեկամական կապեր ունի Կրասնոդարի երկրամասի հետ։

Երկրամասի հետ համագործակցության համատեքստում առանձին անդրադարձ է կատարվել տեղի հայ համայնքի նշանակալի դերին։

Զրույցի ընթացքում նրանք քննարկել են նաև առևտրատնտեսական, տրանսպորտային, հումանիտար և կրթական ոլորտներում համագործակցության զարգացման հարցերի լայն շրջանակ։

Երկուստեք ընդգծվել են, որ բոլոր բնագավառներում կուտակված ներուժն ընձեռում է նոր հնարավորություններ համագործակցության հետագա խորացման համար։