Ինչ ունեցվածք են հայտարարագրել Ծաղկաձորի ավագանու ՔՊ-ական անդամները

Շարունակելով ընթերցողների ուշադրությանը ներկայացնել ՀՀ խոշոր համայնքների և քաղաքների ավագանու անդամների կողմից ներկայացված եկամտի և ունեցվածքի հայտարարագրերը՝ այսօր կանդրադառնանք Ծաղկաձոր քաղաքի ՔՊ-ական ավագանու անդամներից մի քանիսին:

Դիցուք՝ համայնքապետ Նարեկ Հարությունյանը հայտարարագրել է հողամաս, բնակարան` բազմաբնակարան բնակելի շենքում ֆիզիկական անձանց բնակության համար նախատեսված, իրավունքների պետական գրանցումն իրականացնող լիազոր մարմնում առանձին ծածկագրով գրանցված և համարակալված տարածք, անհատական բնակելի տուն` հողամասի վրա կառուցված, իր տնտեսական շինություններով:  Բացի այդ պաշտոնյան հայտարարագրել է VAZ և OPEL մակնիշի ավտոմեքենաներ: Կանխիկ գումարը կազմել է 2,000,000.00 դրամ:  Հաշվետու տարվա եկամուտը՝ 3,634,800.00 դրամ:

Համայնքապետի տեղակալ Ոսկան Եղիազարյանը հայտարարագրել է 2021-ին գնված բնակարանը` բազմաբնակարան բնակելի շենքում ֆիզիկական անձանց բնակության համար նախատեսված, իրավունքների պետական գրանցումն իրականացնող լիազոր մարմնում առանձին ծածկագրով գրանցված և համարակալված տարածքը, MERCEDES-BENZ և GAZ մակնիշի ավտոմեքենաները, 1,500,000.00 կանխիկ դրամ, մինչդեռ հաշվետու տարվա եկամուտները կազմել են 100,727.00 դրամ: 

Արմենուհի Առաքելյանը Կոտայքի մարզի Ծաղկաձոր համայնքի ավագանու անդամ է 2016 թ.-ից, երկրորդ անգամ 2021 թ.-ին է վերընտրվել։  Ուշագրավ է, որ վերջինս Կատարինե ծրագրի շրջանավարտ է, այդ ծրագիրը ԱՄՆ միջազգային զարգացման գործակալության (USAID) կողմից ֆինանսավորվող ծրագիր է: