Ֆրանսիայում Մակրոնին պատկերել են Հիտլերի արտաքինով

Ֆրանսիայի Ավինյոն քաղաքում Լեկտո կեղծանունով նկարիչը գրաֆիտի է նկարել, որում պատկերված է Ֆրանսիայի նախագահ Էմանուել Մակրոնը՝ Հիտլերի բեղերով, հաղորդում է BFMTV հեռուստաալիքը:

Ֆրանսիայի առաջնորդը պատկերված է ճանապարհի երկայնքով գտնվող ջրամատակարարման կառույցի պատին։ Նա ալեհեր է, բեղերը՝ 49.3 թվի տեսքով, և մեծ տառերով գրված է «NON MERCI» (ոչ, շնորհակալություն)։

Թվերը հղում են Ֆրանսիայի սահմանադրության 49.3-րդ հոդվածին, որն օգտագործել է վարչապետ Էլիզաբեթ Բորնը՝ խորհրդարանում քվեարկության կենսաթոշակային տարիքի բարձրացման օրինագիծ ընդունելու համար:

Street art նկարիչ Լեկտոն Ֆրանսիայում հայտնի է իր քաղաքական մուլտֆիլմերով, որոնք նա տեղադրում է Instagram-ի իր էջում։ 

Մարտի 19-ին Journal du Dimanche-ի համար անցկացված Ifop-ի հարցման համաձայն՝ Մակրոնի ժողովրդականության վարկանիշը 2019 թվականից ի վեր ռեկորդային ցածր մակարդակի է հասել՝ կենսաթոշակային ոչ պոպուլյար բարեփոխումների ֆոնին, և բնակչության միայն 28%-ն է աջակցում նրա գործողություններին:

Ֆրանսիայի վարչապետ Էլիզաբեթ Բորնը մարտի 16-ին օգտագործել է Սահմանադրության 49.3-րդ հոդվածը՝ առանց խորհրդարանում քվեարկության դնելու երկրի կենսաթոշակային տարիքը 62-64-ի բարձրացնելու մասին օրինագիծը: Նախկինում այս օրենքն արդեն բողոքի մեծ ալիք էր բարձրացրել։ Ցույցերն ուղեկցվել են ցուցարարների և ոստիկանության միջև բախումներով, ջարդերով ու անկարգություններով։