2036 թվականի ամառային օլիմպիական խաղերը կարող են անցկացվել Գերմանիայում. Bild

2036 թվականի ամառային օլիմպիական խաղերը կարող են անցկացվել Գերմանիայում, հայտնում է Bild-ը։

Ըստ աղբյուրի՝ Բեռլինը ծրագրում է հայտ ներկայացնել մրցաշարին։

«Խաղերի անցկացման հնարավորությունը մենք համարում ենք մեծ հնարավորություն մեր մայրաքաղաքի համար։

Օլիմպիական խաղերի ավարտից հետո վերանորոգված և արդիականացված մարզական օբյեկտները հասանելի կլինեն քաղաքում տարբեր մարզաձևերի համար»,- ասվում է Գերմանիայի Սոցիալ-դեմոկրատական ​​կուսակցության և Քրիստոնեա-դեմոկրատական ​​միության կոալիցիայի հայտարարության մեջ։

Հիշեցնենք, որ վերջին անգամ Բեռլինում Օլիմպիական խաղերն անցկացվել են 1936 թվականին։

Առաջիկա ամառային օլիմպիական խաղերը կանցկացվեն 2024 թվականի հուլիսի 26-ից օգոստոսի 11-ը Փարիզում։