Դոնալդ Թրամփը ձերբակալվել է. CNN
Համաշխարհային Մամուլ
ԱՄՆ նախկին նախագահ Դոնալդ Թրամփը ձերբակալվել է, հայտնում է CNN-ը։
Ձերբակալությունը կտևի մինչև նրան մեղադրանք առաջադրելը։ Սպասվում է, որ կես ժամվա ընթացքում Թրամփը կկարողանա լքել դատարանը։
Ավելի վաղ հայտնի էր դարձել, որ Մանհեթենի շրջանային դատախազ Էլվին Բրեգի գրասենյակը ԱՄՆ նախկին նախագահ Դոնալդ Թրամփի դեմ առաջադրված 34 մեղադրանքները վերաորակել է քրեական մեղադրանքների:
Նշվում է, որ Նյու Յորք նահանգում ձեռնարկատիրական փաստաթղթերի կեղծումը կարող է դիտվել որպես զանցանք։
Yahoo News-ի փոխանցմամբ՝ այս որոշումը կայացվել է այն պատճառով, որ Սպիտակ տան նախկին ղեկավարի գործողություններն իբր ուղղված են եղել հերթական հանցագործությունը թաքցնելուն։ Հոդվածում պարզաբանվում է, որ E կարգի հանցագործությունները, որոնք ենթադրում են բիզնես փաստաթղթերի կեղծում, կարող են մինչև չորս տարվա ազատազրկում նախատեսել: Սակայն պորտալի աղբյուրը կարծում է, որ գործնական տեսանկյունից այս սցենարը քիչ հավանական է։
Նշենք, որ սա ԱՄՆ պատմության մեջ առաջին անգամն է, երբ նախկին նախագահին պաշտոնապես մեղադրանք է առաջադրվում քրեական հանցագործության կասկածանքով։
Ամենադիտված 
Մնաս բարյավ. Րաֆֆի Հովհաննիսյան
