Թալիբներն արգելել են աֆղանցի կանանց աշխատել ՄԱԿ-ում
Համաշխարհային Մամուլ
Թալիբները Աֆղանստանում ՄԱԿ-ի աֆղան աշխատակցուհիներին արգելել են աշխատել։ ՄԱԿ-ի ներկայացուցիչները Քաբուլում կհանդիպեն իշխանությունների հետ՝ իրավիճակը պարզաբանելու համար, գրում են միջազգային ԶԼՄ-ները։
«Թալիբան» արմատական իսլամիստական շարժումն արգելել է ՄԱԿ-ի աֆղան աշխատակիցներին աշխատել Աֆղանստանում։ «Տարբեր ուղիներով մեզ տեղեկացրին, որ արգելքը վերաբերում է ողջ երկրին», - երեքշաբթի՝ ապրիլի 4-ին, ասել է ՄԱԿ-ի գլխավոր քարտուղարի խոսնակ Ստեֆան Դյուժարիկը։
Դյուժարիկը արգելքը անվանել է «անընդունելի և անկեղծորեն անհասկանալի»։ Այն կարող է «խաթարել մարդասիրական կազմակերպությունների կարողությունը՝ օգնություն ցուցաբերելու նրանց, ովքեր դրա կարիքն ունեն ամենաշատը»։ Ավելի վաղ հաղորդվել էր, որ ՄԱԿ-ում աֆղանցի կանանց աշխատանքի արգելքը վերաբերում է միայն արևելյան Նանգարհար նահանգին։ Չորեքշաբթի օրը նախատեսված է ՄԱԿ-ի պաշտոնյաների հանդիպումը Քաբուլի իշխանությունների հետ՝ իրավիճակը պարզաբանելու համար:
Ամենադիտված 
Մնաս բարյավ. Րաֆֆի Հովհաննիսյան
