Մակրոնին չի հաջողվել համոզել Սի Ծինփինին Ռուսաստանի և Ուկրաինայի հարցում. Politico
Համաշխարհային Մամուլ
Ֆրանսիայի նախագահ Էմանուել Մակրոնը Պեկին կատարած այցի ընթացքում չի կարողացել համոզել Չինաստանի նախագահ Սի Ծինփինին փոխել իր դիրքորոշումը Ռուսաստանի և Ուկրաինայի միջև զինված հակամարտության վերաբերյալ։ Այդ մասին գրում է Politico-ն։
Մակրոնի` Չինաստան կատարած պետական այցի երկրորդ օրը Սի Ծինփինը հայտնել է իր դիրքորոշմանը Ուկրաինայում Ռուսաստանի գործողությունների վերաբերյալ՝ ասելով, որ «բոլոր կողմերն» ունեն «անվտանգության հետ կապված ողջամիտ մտահոգություններ»։ Հրատարակության տվյալներով՝ նա չի ակնարկել, որ կօգտագործի իր ազդեցությունը՝ հակամարտությունը դադարեցնելու համար։
Բանակցություններին ծանոթ ֆրանսիացի դիվանագետի խոսքով, Չինաստանի առաջնորդի հետ առանձնազրույցի ժամանակ Մակրոնը Արեւմուտքի մտահոգությունն է հայտնել, որ Պեկինը զենք կմատակարարի Մոսկվային։
«Նախագահը հորդորել է Սիին մատակարարումներ չիրականացնել Ռուսաստան, որը կօգնի նրան Ուկրաինայի դեմ պատերազմում։ Սին ասել է, որ այս պատերազմն իր գործը չէ»,- ասել է դիվանագետը՝ անանուն կերպով նկարագրելով երկու առաջնորդների առանձնազրույցը։
Բանակցությունները, որոնք Ելիսեյան պալատի խոսնակն անվանել է «անկեղծ և կառուցողական», տևել են մեկուկես ժամ։
Ամենադիտված 
Մնաս բարյավ. Րաֆֆի Հովհաննիսյան
