Վահան Քերոբյանն ԱՄՆ-ի գործընկերների հետ քննարկել է փոխադարձ առևտրի ակտիվացմանն առնչվող հարցեր

ՀՀ էկոնոմիկայի նախարար Վահան Քերոբյանն ապրիլի 7-ին ընդունել է ԱՄՆ առևտրի դեպարտամենտի գլոբալ շուկաների հարցերով փոխքարտուղար Արուն Վենկատարամանի գլխավորած պատվիրակությանը:

Զրուցակիցները քննարկել են տնտեսության ոլորտում հայ-ամերիկյան համագործակցությանն առնչվող հարցերի լայն շրջանակ՝

 տնտեսական փոխգործակցության ընդլայնում, 

փոխադարձ առևտրի ակտիվացում և դիվերսիֆիկացում,

ընդհանրացված նախապատվությունների համակարգի (GSP) միջոցով ԱՄՆ ապրանքների արտահանում,

Հայաստանում վճարային PayPal ծառայությունների հասանելիության ապահովման հնարավորություն,

ֆինանսական կառույցների համագործակցության խթանում,

 ԱՄՆ-ում հայաստանյան միաեղջյուր (unicorn) ընկերությունների գործունեություն,

կանաչ էներգետիկայի զարգացում, և այլն։